Leeupraat is ‘n INTERKERKLIKE bediening bestaande uit ‘n groep gelowiges wat honger is na Jesus en begeer om dissipels van Jesus te wees. Jesus is die Leeu van Juda (Openb 5:5 "...kyk, die Leeu uit die stam van Juda, die afstammeling van David, het die oorwinning behaal en kan die boek met die sewe seëls oopmaak". ) en as ons ‘n volgeling van Hom wil word, moet ons in Sy voetspore volg en leer om soos Hy te loop, te praat en op te tree. Vandaar die name LEEUPRAAT, LEEULOOP, BRULTYD, ens.
Elkeen is ‘n lewende steen in sy eie lokale gemeente, maar vat hande met ander gelowiges oor kerkgrense heen omdat ons besef dat God se huis en kerk ‘n GEESTELIKE gebou is en nie ‘n fisiese gebou, kerknaam of denominasie nie.
( 1 Kor. 3:9 "Ons is medewerkers in diens van God, en julle is die saailand van God". , 1 Pet 2:5 "Laat julle as lewende stene opbou tot 'n geestelike huis, om 'n heilige priesterdom te wees en geestelike offers te bring wat deur Jesus Christus vir God welgevallig is".)

LEEUPRAAT Manne-en Vroue Bediening is bevoorreg om in persoonlike verhouding en noue samewerking met Johnny Louw van WILDESTEM bedieninge te staan. Johnny Louw staan as 'n geestelike seun van oom Angus Buchan in persoonlike verhouding met laasgenoemde van SHALOM ministries)